Aqtaýda "Sax Invest" qarjy pıramıdasyn qurýǵa jáne oǵan basshylyq etýge qatysty uıymdasqan qylmystyq toptyń segiz múshesine úkim shyǵaryldy, dep habarlaıdy infohub.kz saıty.
Qarjylyq monıtorıń agenttiginiń málimetinshe, uıymdastyrýshylar ınvestısıalyq qor retinde baǵaly qaǵazdarǵa, qarjy quraldaryna jáne basqa da aktıvterge salym usynyp, sonymen qatar Afrıka elderinde almaz óndirý jónindegi halyqaralyq jobaǵa qatysatyndaryn málimdegen. 2018-2022 jyldar aralyǵynda qylmystyq sqemaǵa Astana, Aqtóbe, Oral jáne Aqtaýdan myńnan astam salymshy tartylǵan. Tartylǵan qarajattyń jalpy somasy 9 mıllıard teńgeden asty.
«Tergeý barysynda salymdardyń edáýir bóligi kompanıa shottaryna emes, uıymdastyrýshylardyń jeke shottaryna aýdarylǵany anyqtaldy. Keıin bul aqsha jeke maqsattarǵa, onyń ishinde qumar oıyndarǵa, páter satyp alýǵa, jeke úı salýǵa jáne basqa da qajettilikterge jumsaldy», – dedi vedomstvoda.
Sot uıymdasqan toptyń segiz múshesin kináli dep tanyp, olardy 6-7 jylǵa bas bostandyǵynan aıyrý jazasyna kesti. Memleket kirisine jeke úı men sıfrlyq aktıvter tárkilendi. Sondaı-aq azamattyq talaptardyń oryndalýyn qamtamasyz etý úshin sottalýshylardyń eki avtokólik, eki páter jáne jer telimi syndy múlkine salynǵan tyıym saqtalady. Úkim zańdy kúshine engen joq.
Eske salaıyq, 2024 jyldyń qarashasynda Mańǵystaý oblysy boıynsha QMA departamenti «Sax Invest» qarjy pıramıdasynyń qurylymdyq bólimshesin basqarǵan bir top adamǵa qatysty sotqa deıingi tergeý júrgizgen. 2018-2022 jyldary pıramıda salymshylary 1000 adamnan asqany aıtyldy.