18 jasqa tolǵan kúni jas jigit dostarymen demalyp júrip joǵalyp ketken edi. Onyń denesi Aqtaý mańyndaǵy Kaspı teńizinen tabyldy, dep habarlaıdy infohub.kz saıty.
Mańǵystaý oblysy Tótenshe jaǵdaılar departamentiniń málimetinshe, izdestirý-qutqarý jumystary Kaspı teńiziniń jabdyqtalmaǵan jaǵalaý bóliginde júrgizilgen. 18 jasar Azamat Dúısehanovtyń máıiti 15 shildede Aqtaýdan shamamen 51 shaqyrym jerde, jaǵalaý syzyǵynan nebári 10 metr qashyqtyqta tabyldy.
Qutqarýshylar máıitti sýdan alyp, polısıa qyzmetkerlerine tapsyrdy.
Aıta keteıik, Azamat Dúısehanov 7 shilde kúni túste «O'Mir» kýrorttyq qonaqúıiniń mańynda joǵalǵan. Sol kúni ol óziniń kámeletke tolý merekesin toılap jatqan bolatyn.