Aqtaýda TJM qyzmetkerleri patrúldeý barysynda rezeńke qaıyqtan sýǵa qulaǵan er adamdy kórip, ony jaǵaǵa jetkizdi. Bul týraly infohub.kz saıty QR TJM baspasóz qyzmetine silteme jasap habarlady.
Oqıǵa «Shora» sý kanaly mańynda boldy. Qutqarýshylar akvatorıany patrúldep júrip, sýdaǵy adamdy kórip, dereý oǵan qaraı bet aldy.
«Qutqarýshylar jedel kómek kórsetip, er adamdy sýdan alyp shyǵyp, jaǵaǵa jetkizdi. Ol medısınalyq kómekke muqtaj bolmady», — delingen TJM habarlamasynda.
Vedomstvo ókilderi sýǵa shyǵar kezde qaýipsizdik sharalaryn saqtaý, qutqarý keýdeshesin kıý jáne sý aıdyndaryndaǵy tártip erejelerin elemeýge bolmaıtynyn eskertti.