Aqtaýdaǵy medısınalyq ortalyq tirkelmegen medısınalyq buıymdardy qoldanǵany úshin 605 500 teńge aıyppul tólep, lısenzıasy bir aıǵa toqtatyldy, dep habarlaıdy infohub.kz.
Aqtaý qalasynyń ákimshilik quqyq buzýshylyqtar jónindegi soty tirkelmegen medısınalyq buıymdardy qoldanǵan medısınalyq ortalyqqa qatysty isti qarady. Mańǵystaý oblysy boıynsha densaýlyq saqtaý mınıstrliginiń Medısınalyq jáne farmasevtıkalyq baqylaý komıtetiniń departamenti pasıenttiń shaǵymy boıynsha tekserý júrgizdi.
Ótinish berýshi óz shaǵymynda 2026 jyly 18 mamyrda atalǵan medısınalyq ortalyqqa kelip, medısınalyq qyzmet alǵanyn, alaıda qyzmetten keıin densaýlyǵy nasharlaǵanyn jetkizdi. Tekserý kezinde tirkelmegen medısınalyq buıymdardy qoldaný faktisi rastaldy.
Ákimshilik jaza taǵaıyndaý kezinde sot istiń mán-jaıyn, kináni tolyq moıyndaǵanyn jáne jaýapkershilikti jeńildetetin mán-jaılardy eskerip, ákimshilik aıyppul mólsherin 30 paıyzǵa azaıtty. Nátıjesinde medısınalyq ortalyqqa 605 500 teńge aıyppul salyndy. Sonymen qatar medısınalyq qyzmetke arnalǵan lısenzıa bir aıǵa toqtatyldy.
Sondaı-aq sot ákimshilik quqyq buzýshylyqtyń nysany bolǵan dárilik zattardy tárkilep, joıý týraly sheshim shyǵardy. Sot qaýlysy áli zańdy kúshine engen joq.