Aqtaýda demalys bazasynyń aýmaǵynda shamamen 80 sharshy metr jerdi sharpyǵan órt boldy, dep habarlaıdy infohub.kz.
Mańǵystaý oblysy Tótenshe jaǵdaılar departamentiniń málimetinshe, órt 19 shildede «Zolotoe Solnyshko» demalys bazasynyń aýdanynda ornalasqan «Shahristan» qonaq úı kesheniniń aýmaǵynda bolǵan. TJD-niń naqtylaýynsha, meıramhananyń shatyry janǵan. Qutqarýshylardyń dereginshe, zardap shekkender joq.
«Órt týraly habarlama kelip túsken soń, oqıǵa ornyna polısıa qyzmetkerleri dereý jetti. Tótenshe jaǵdaı qyzmetteri kelgenge deıin polıseıler qaýipti aýmaqty qorshaýǵa alyp, órt sóndirý kólikteriniń kedergisiz ótýin uıymdastyrdy, qoǵamdyq tártipti saqtap, azamattardyń qaýipsizdigi úshin qajetti sharalardy qoldandy. Polısıa qyzmetkerleriniń úılesimdi ári jedel áreketiniń arqasynda qaýipti aımaqta adamdardyń jınalýyna jol berilmeı, qutqarý qyzmetteriniń kedergisiz jumys isteýine jaǵdaı jasaldy», — delingen vedomstvo habarlamasynda.