Aqtóbede patrúldik polısıa 22 jastaǵy júrgizýshini ustap qaldy. Ol úsh kún ishinde foto- jáne beınetirkeý kameralarynan kólikti jasyrýǵa tyrysyp, jol júrisi erejelerin 33 ret buzdy. Aıyppuldardyń jalpy somasy 1,3 mıllıon teńgeden asty, dep habarlaıdy infohub.kz saıty.
«Qaýipsiz jol» jedel-profılaktıkalyq is-sharasy kezinde patrúldik polısıa qyzmetkerleri qasaqana buzýshyny anyqtady. Jas jigit ákesiniń Toyota kóligin ruqsatsyz alyp, oǵan sheteldik memlekettik tirkeý nómirlerin ornatyp, qala kóshelerine shyqqan. Úsh kún ishinde ol negizinen jyldamdyqty asyryp, 33 ret jol júrisi erejelerin buzǵan.
Buzýshyǵa qatysty ákimshilik materıaldar jasalyp, kólik arnaıy turaqqa qoıyldy. Polısıa nómirlik belgilerdi aýystyrý kólikti foto- jáne beınetirkeý kameralary úshin «kórinbeıtin» etpeıtinin eskertip, júrgizýshilerdi jol qozǵalysynyń barlyq qatysýshylarynyń qaýipsizdigi úshin erejelerdi saqtaýǵa shaqyrdy.
Aıta keteıik, 11-16 shilde aralyǵynda Almatyda da «Qaýipsiz jol» respýblıkalyq jedel-profılaktıkalyq is-sharasy ótýde. Onyń aıasynda polısıa kúsheıtilgen rejımde jumys istep, jol júrisi erejeleriniń qaýipti buzýshylyqtaryna erekshe nazar aýdarýda.