Sot aqtaǵan aqtóbelik áıel JSHS-niń aqshasyn jymqyrý isi boıynsha memleketten moraldyq zıan úshin 15 mıllıon teńge ótemaqy talap etken edi, biraq áldeqaıda az — 1,5 mıllıon teńge alady. Sonymen qatar, oǵan advokat qyzmetine jumsalǵan 5,5 mıllıon teńge óteledi, dep habarlaıdy infohub.kz saıty.
2023 jyly kásiporynnyń eki menedjeri men olardyń kómekshileri uzaq merzimge bas bostandyǵynan aıyryldy. Osy is boıynsha ótken áıel qylmys quramynyń bolmaýyna baılanysty tolyq aqtaldy.
Aqtalǵan soń ol Qarjy mınıstrligine zańsyz qylmystyq qýdalaýdan keltirilgen moraldyq azap úshin 15 mıllıon teńge ótemaqy talap etip, sotqa shaǵymdandy. Talapkerdiń aıtýynsha, qylmystyq is saldarynan úsh jylǵa jýyq ýaqyt boıy aýyr depressıalyq kúıde bolyp, qalypty ómir súre almaǵan.
Sot talapty ishinara qanaǵattandyrdy. Sheshim boıynsha, Qarjy mınıstrligi oǵan moraldyq zıan úshin 1,5 mıllıon teńge tóleıdi, bul suralǵan somadan on ese az. Sondaı-aq memleket advokat qyzmetine jumsalǵan 5,5 mıllıon teńgeni óteıdi.