Aqtóbede jumys berýshi qyzmetkerge óndiriste aýyr jaraqat alǵany úshin 10 mln teńgeden astam tóleıdi, dep habarlaıdy infohub.kz saıty.
Aqtóbe oblysy sottarynyń resmı Telegram-arnasynda habarlanǵandaı, Aqtóbe qalalyq soty qyzmetkerdiń JSHS-ke eńbek mindetterin atqarý kezinde bolǵan jazataıym oqıǵa saldarynan keltirilgen materıaldyq zalaldy óteý jáne moraldyq zıandy óteý týraly talap aryzy boıynsha azamattyq isti qarady.
Sot otyrysynda jazataıym oqıǵa qaýipsiz eńbek jaǵdaılaryn qamtamasyz etpegen jáne eńbekti qorǵaý salasyndaǵy zańnama talaptaryn saqtamaǵan jumys berýshiniń kinásinen bolǵany anyqtaldy. Oqıǵa saldarynan qyzmetker aýyr dene jaraqatyn aldy.
İs qujattary men medısınalyq saraptama qorytyndylaryna sáıkes, talapkerge II toptaǵy múgedektik belgilenip, kásibı eńbekke qabilettiligin joǵaltý dárejesi 80 paıyzdy qurady.
Usynylǵan dáleldemelerdi baǵalaı kele, sot talapkerdiń talaptaryn ishinara negizdi dep tanydy. Moraldyq zıannyń mólsherin anyqtaý kezinde sot alǵan jaraqattardyń sıpaty men aýyrlyǵyn, emdelý uzaqtyǵyn, múgedektiktiń belgilenýin, fızıkalyq jáne rýhanı azaptyń dárejesin, sondaı-aq eńbek qyzmetin júzege asyrý múmkindiginiń aıtarlyqtaı shektelýin jáne burynǵy ómir saltynyń buzylýyn eskerdi.
Sot sheshimimen jumys berýshiden talapkerdiń paıdasyna 10 mln teńge kóleminde moraldyq zıannyń ótemaqysy jáne qajetti dári-dármekterdi satyp alýǵa jáne emdelýge baılanysty kólik shyǵyndaryn qamtıtyn 255 myń teńge kólemindegi materıaldyq zalal óndirildi.
Sot sheshimi zańdy kúshine engen joq.