Aqtóbedegi «Jıger» qurylys bazarynda órt shyǵyp, qala ústin qara tútin basty. Bul týraly infohub.kz habarlaıdy.
101 qyzmetine Aqtóbe qalasy Astana aýdanyndaǵy «Jıger» qurylys bazary aýmaǵyndaǵy qoıma úı-jaılarynyń tutanǵany týraly habar tústi. Alǵashqy bólimsheler kelgende qoımanyń ishindegi qurylys materıaldarymen ashyq janýy anyqtaldy. Oqıǵa ornyna TJM kúshteri men quraldary dereý jetti. Órtti sóndirýge TJD jedel-qutqarý jasaǵynyń qutqarýshylary, Apattar medısınasy ortalyǵynyń mamandary, TJM 20982 áskerı bóliminiń áskerı qyzmetshileri, sondaı-aq jergilikti atqarýshy organdar, polısıa departamenti, jedel járdem brıgadalary jumyldyryldy.
Ornynda jedel shtab quryldy. Ǵımarattyń konstrýksıalyq erekshelikteri órt sóndirýdi qıyndatty: qoıma metal konstrýksıalardan jasalyp, profıldi paraqpen qaptalǵan, shatyry aǵash júıemen ornatylǵan.
Órt sóndirý kezinde órt sóndirýshi Dımash Jetpisbaı janǵan ǵımarattan kishkentaı kúshikti alyp shyqty. «Biz úshin árbir ómir mańyzdy», — delingen TJM habarlamasynda. Saǵat 19:01-de órt sóndirildi. Zardap shekkender joq. Órttiń sebebi anyqtalýda.