Aqtóbelik turǵyn Lıtvaǵa jumysqa ornalasýǵa kómektesemin degen alaıaqtarǵa senip, 600 myń teńge joǵaltyp, baspanasyz qaldy. Ol Lıtvaǵa jumysqa ornalasýǵa kómek dep 600 myń teńge aýdarǵan, alaıda elge kelgen soń jumyssyz ári eshqandaı qoldaýsyz qalǵan, dep habarlaıdy infohub.kz.
Oǵan Lıtvada qarsy alyp, qujattarmen kómektesip, qolaıly jumys ornyn taýyp beretinin ýáde etken. Ol qyzmet aqysynan bólek, Almatyǵa deıin poıyz bıletin, sodan keıin Lıtvaǵa ushaq bıletin ózi satyp alyp, turýǵa ruqsat resimdeýge de aqsha tólegen. Jolǵa 365 myń teńge, al turýǵa ruqsatty rásimdeýge 94 myń teńge jumsaǵan.
Alaıda kelgen soń ony eshkim qarsy almaǵan. Jumys berilmegen, aqshasy taýsylyp, túneıtin jeri bolmaǵan. Oǵan úıine qaıtýǵa týystary kómektesip, qaıtar jolǵa aqsha jibergen. Ol Lıtvada bir aptadaı bolǵan.
Oralǵan soń aqtóbelik Tutynýshylardyń ulttyq palatasyna júgingen. Sot arqyly ol barlyq jumsaǵan shyǵynyn óndirip alyp, moraldyq zıan úshin 200 myń teńge ótemaqy da alǵan. Respýblıkalyq qoǵamdyq birlestik «Tutynýshylardyń ulttyq palatasynyń» prezıdenti Islam Bolatovtyń aıtýynsha, qazir bul er adamnyń jaǵdaıy túzelgen, ol óz isin ashyp, endi kúmándi jumys ýádelerine senbeıdi.