Aqtóbe oblysynda sý basqan jerde qaıǵyly oqıǵa boldy — qutqarýshylar sýdan kámeletke tolmaǵan jasóspirimniń denesin alyp shyqty, dep habarlaıdy infohub.kz.
Oblystyq tótenshe jaǵdaılar departamentiniń baspasóz qyzmetiniń málimetinshe, 23 shildede Áıteke bı aýdany, Aqqum aýylyndaǵy sý basqan jerden jasóspirimniń denesi tabylǵan.
«Aldyn ala derekter boıynsha, jasóspirim shomylýǵa tyıym salynǵan jerde sýǵa túsip, kóz jumǵan. Oqıǵanyń mán-jaıy anyqtalyp jatyr», — dedi Aqtóbe oblystyq TJD ókilderi.
Vedomstvo azamattardy sýdaǵy qaýipsizdik erejelerin saqtaýǵa, jabdyqtalmaǵan jáne tyıym salynǵan jerlerde shomylmaýǵa, sondaı-aq balalardy sý aıdyndarynyń janynda qaraýsyz qaldyrmaýǵa shaqyrdy.