Aqtóbede ótken jyldyń jeltoqsanynda anasy men ájesine pyshaqpen shabýyl jasady degen kúdikke ilingen 16 jasar jetkinshekke qatysty sot prosesi bastaldy. Áıel alǵan jaraqatynan qaıtys boldy, dep habarlaıdy infohub.kz.
Eske salaıyq, jeltoqsan aıynyń basynda oqýshy anasyn óltirip, ájesine shabýyl jasady degen kúdikke ilingeni belgili bolǵan edi. Polısıanyń habarlaýynsha, kezekshi bólimge páterlerdiń birinde asa aýyr qylmys jasalǵany týraly habarlama túsken. Oqıǵa ornyna barǵan tártip saqshylary zorlyq-zombylyq belgileri bar áıeldiń máıitin tapqan. Sol páterden qart áıel pyshaq jaraqatymen aýrýhanaǵa jetkizilgen. Kámeletke tolmaǵan kúdikti kinásin moıyndap, jaýap bergen.
Kórshiler bolǵan oqıǵadan eseńgirep qaldy, óıtkeni otbasy aýqatty ári tolyq bolyp sanalatyn, úsh bala tárbıelep otyrǵan. Ustalǵan jasóspirim — úlken uly, ekinshi uly odan kishi. Úlken balalar jeke mektepte oqyǵan, al bes jasar kenjesi mektepke daıyndyq sabaqtaryna barǵan. Ata-anasy jumys istegen, balalar tárbıeli ári ájesine árdaıym kómektesetin.
Búgin Aqtóbede osy is boıynsha sot prosesi bastalyp, sol qaraly kúnniń mán-jaıy aıtyldy. Aıyptalýshylar otyrǵyshynda 16 jasar oqýshy bolýy kerek edi, alaıda telearnanyń habarlaýynsha, ol psıhıatrıalyq aýrýhanada jatyr. Saraptama nátıjesi boıynsha oǵan paranoıdty shızofrenıa dıagnozy qoıylǵan. Mamandar qylmys jasalǵan kezde ol óz is-áreketin sezingen joq degen qorytyndyǵa kelgen.
Sotqa jasóspirimniń ákesi men ájesi keldi. Ekeýi de ózderin túsirmeýdi surap, túsinikteme berýden bas tartty. Qandy oqıǵanyń mán-jaıyn memlekettik aıyptaýshy oqyp shyqty: «Jasóspirim as úıde bolǵan, anasy oǵan úlgerimi týraly eskertý jasaǵan. Osydan keıin ol rakovınanyń ústindegi shkafty ashyp, qara sapty pyshaqty kórip, alyp, áıeldi basqa bólmege deıin qýǵan. Sol jerde ol oǵan denesiniń ártúrli jerine birneshe pyshaq jaraqatyn salǵan. Alǵan jaraqattarynan anasy oqıǵa ornynda qaıtys bolǵan».