26 shildede KAZ10 halyqaralyq «Aqtóbe-Oral — Reseı shekarasy (Syrym ótkeli)» avtojolynyń ýchaskesinde Shaǵan ózenindegi kópirdi qalpyna keltirý jumystaryna baılanysty barlyq kólik túriniń qozǵalysy ýaqytsha shekteledi. Bul týraly NUR.KZ habarlady.
Shekteýler trassanyń 247-shaqyrymynda tańǵy 05:00-den 11:00-ge deıin engizilip, barlyq avtokólikterge qatysty bolady. «QazAvtoJol» ulttyq kompanıasynyń málimetinshe, Shaǵan ózenindegi kópirde qalpyna keltirý jumystary júrgiziledi.
Júrgizýshilerge joldy aldyn ala josparlap, ýaqytsha shekteýlerdi eskerý usynylady. «Ýaqytsha qolaısyzdyqtardy túsinistikpen qabyldap, sapar baǵytyn aldyn ala josparlaýlaryńyzdy suraımyz», — delingen habarlamada.