Aqtóbe 25-28 shilde aralyǵynda ITTF World Para Future Aktobe 2026 halyqaralyq týrnırin qabyldaıdy. 23 elden 200-ge jýyq sportshy júldeler men bedeldi reıtıńtik upaılar úshin baq synaıdy, dep habarlaıdy infohub.kz.
Aqtóbe oblysy ákimdiginiń málimetinshe, jarysqa álemniń 23 elinen 200-ge jýyq sportshy qatysady. Bul — Qazaqstanda ótetin para ústel tenısinen osy deńgeıdegi úshinshi halyqaralyq týrnır. Bul eldiń beıimdelgen sportty damytýdaǵy róliniń artyp kele jatqanyn kórsetedi.
Ákimdik ókilderiniń aıtýynsha, aldaǵy týrnır sportshylardy iri álemdik jarystarǵa, onyń ishinde 2028 jyly Los-Andjeleste ótetin Paralımpıada oıyndary men Taılandta ótetin para ústel tenısinen álem chempıonatyna daıyndaýdyń mańyzdy kezeńi bolady.
Uıymdastyrýshylar mundaı bedeldi jarystardy ótkizý sporttyń damýyna ǵana emes, aımaqtyń áleýmettik-ekonomıkalyq damýyna da oń áser etetinin atap ótedi. Sheteldik sportshylardyń, jattyqtyrýshylardyń, resmı tulǵalar men qonaqtardyń qatysýy Aqtóbege óz mádenıeti, tarıhy men qonaqjaılylyq dástúrlerin halyqaralyq arenada tanystyrýǵa múmkindik beredi dep kútilýde. Sonymen qatar, bul oblystyń týrısik tartymdylyǵyn arttyryp, ishki týrızmdi damytýǵa, aımaqtyń ımıjin nyǵaıtýǵa jáne Qazaqstannyń jańa týrısik baǵyttaryn ilgeriletýge yqpal etedi.
Jarystar týrnırdiń basty alańy — «Aqtóbe» ústel tenısi ortalyǵynda ótedi. Uıymdastyrýshylar búginde Aqtóbe Qazaqstannyń zamanaýı sport ortalyqtarynyń biri ekenin, joǵary deńgeıdegi halyqaralyq jarystardy ótkizýge jáne sport salasyndaǵy yntymaqtastyqty damytýǵa qajetti ınfraqurylymǵa ıe ekenin atap kórsetedi.