Qazaqstandyq «Aqtóbe» fýtbol klýby aǵylshyndyq vınger Olývaseıı Babadjıdemen, ıaǵnı Sheıı Odjo degen atpen tanymal oıynshymen kelisimshart jasasqanyn resmı rastady. 29 jastaǵy fýtbolshy komandaǵa erkin agent retinde qosyldy, dep habarlaıdy infohub.kz saıty.
Kelisimniń qarjylyq málimetteri jarıalanbady, alaıda bedeldi derekkózderdiń málimetinshe, oıynshynyń transferlik quny 600 myń eýrony quraıdy. Klýbtyń resmı málimdemesinde: «Odjoǵa ortaq tabystar tileımiz! Qyzyl-aq otbasyna qosh keldińiz!» — delingen.
Sheıı Odjo mansabyn aǵylshyndyq «MK Dons» klýbynyń akademıasynda bastap, keıin «Lıverpýl» júıesine aýysty. Mersısaıdtyqtardyń negizgi quramynda ol segiz mach ótkizdi. Keıin vınger «Ýıgan», «Výlverhempton», «Fýlhem» jáne «Mıllýoll» sekildi aǵylshyn klýbtarynda, sondaı-aq fransýzdyq «Reıms», shotlandıalyq «Reındjers» jáne ýelstik «Kardıff Sıtı» komandalarynda oınady.
Odjo sońǵy ret slovenıalyq «Marıbor» sapynda óner kórsetti. Bul komandada ol 61 mach ótkizip, tórt gol soǵyp, jeti goldyq pas berdi. Fýtbolshynyń jetistikteri qatarynda Anglıa quramasymen 20 jasqa deıingiler arasyndaǵy álem chempıonatyndaǵy jeńis te bar.