Aqtóbede toı kortejine qatysýshylar jol qozǵalysy erejelerin óreskel buzǵany úshin jaýapkershilikke tartyldy: jolaýshylar ádemi kadr túsirý úshin kólik terezesinen syrtqa shyǵyp, júrgizýshiler qaýipsizdik belbeýin taqpaǵan, dep habarlaıdy infohub.kz saıty.
İİM vedimistik saıtynyń habarlaýynsha, áleýmettik jelilerdi monıtorıńileý barysynda polısıa qyzmetkerleri toı kortejine qatysýshylardyń JQE óreskel buzǵanyn kórsetetin beınejazbany anyqtaǵan.
«Jarıalanǵan kadrlarda jolaýshylar qozǵalyp kele jatqan kólikterden syrtqa shyǵyp tur, al júrgizýshiler júris kezinde telefon qoldanyp jatyr. Sonymen qatar, júrgizýshiler qaýipsizdik belbeýin taqpaǵan. Mundaı minez-qulyq tek kortejge qatysýshylardyń ómirine ǵana emes, jol qozǵalysynyń basqa da qatysýshylaryna naqty qaýip tóndiredi», — dep habarlady polısıa.
Polısıa qyzmetkerleri kortejge qatysqan kólik quraldarynyń júrgizýshileri men jolaýshylaryn anyqtady. Barlyq buzýshylar zańnamaǵa sáıkes jaýapkershilikke tartyldy. Kólik quraldarynyń biri arnaıy turaqqa qoıyldy.
«Merekelik shara JQE talaptaryn elemeýge negiz bolmaıdy. Ádemi vıdeo túsirýge tyrysý, kólik terezesinen syrtqa shyǵý nemese qaýipsizdik belbeýin taqpaý qaıǵyly jaǵdaıǵa ákelýi múmkin», — dep eske saldy quqyq qorǵaý organdary.