Jetisý oblysyndaǵy Alakól kólinde bolǵan oqıǵada 69 jastaǵy áıel eki aıaǵynan aıyryldy — oblystyq TJD jáne polısıa málimdedi, dep habarlaıdy infohub.kz saıty.
krisp.tdk Instagram-paraqshasynyń málimetinshe, zardap shekken áıel úlken katerdiń artqy vıntiniń astyna kezdeısoq túsip qalǵan.
Tótenshe jaǵdaılar departamentiniń naqtylaýynsha, 2026 jylǵy 16 shildede Alakól aýdanynyń Kóktuma aýylynda malomerli keme shomylýǵa arnalmaǵan jerde shomylyp jatqan áıeldi qaǵyp ketken. Bul jerde jaǵany nyǵaıtý jumystary júrgizilgen. Oqıǵa saldarynan áıel eki aıaǵyn joǵaltyp, aýdandyq ortalyq aýrýhanaǵa jatqyzyldy.
Oblystyq polısıa departamenti oqıǵa boıynsha qylmystyq is qozǵalǵanyn habarlady. Mán-jaıy anyqtalýda. Quqyq qorǵaý organdary malomerli keme ıelerine sý kóligin paıdalaný kezinde, ásirese kópshilik demalatyn jerlerde qaýipsizdik talaptaryn qatań saqtaýǵa shaqyrdy, al demalýshylarǵa sýda saqtyq sharalaryn ustanyp, muqıat bolýdy usyndy.