Qazaqstanda jasandy ıntellektti qoldanatyn alaıaqtyq jaǵdaılary jıiledi. Qylmyskerler adamnyń daýysy men kelbetin burmalap, qońyraý nemese beınebaılanys kezinde týysy nemese tanysy bolyp kórinip, qurbandy tez arada aqsha aýdarýǵa kóndiredi, dep habarlaıdy infohub.kz saıty.
Respýblıkanyń İshki ister mınıstrligi eskertedi: aqshany dereý aýdarý týraly ótinishterdi oryndamańyz. Jaqynyńyzǵa onyń ádettegi nómirine ózińiz qońyraý shalǵanyńyz jón. Sondaı-aq, otbasynda áńgimelesýshiniń jeke basyn rastaý úshin aldyn ala qupıa sóz nemese baqylaý suraǵy týraly kelisýge bolady.
Vedomstvo bank kartalarynyń derekterin, SMS-kodtar men parо́lderdi bógde adamdarǵa habarlaýǵa bolmaıtynyn eske saldy. Alaıaqtyqqa kúdik týyndasa, dereý polısıaǵa habarlasý kerek.
Buǵan deıin sot WhatsApp-ta ózderin zardap shekkenderdiń týystary retinde tanystyryp, aqsha aýdarýdy suraǵan alaıaqtyq sqemanyń úsh qatysýshysyn kináli dep tanydy. Tergeý ınternet-alaıaqtyqtyń 15 epızodyn anyqtady, al dropperlerdiń biriniń shoty arqyly shamamen 5 mln teńge aýdarylǵan. Eki aıyptalýshy úsh jyldan tórt jyl bir aıǵa deıingi merzimge bas bostandyǵynan aıyryldy, taǵy bireýi úsh jylǵa bas bostandyǵyn shekteý jazasyna kesildi.