Qazaqstan úkimeti óz rezervinen Jetisý oblysyndaǵy Alakól kólinde qorǵanys bógetin salýǵa 3 mlrd teńge bóldi. Tıisti qaýlyǵa premer-mınıstr Oljas Bektenov qol qoıdy, dep habarlaıdy infohub.kz.
Qarjylandyrý jalpy uzyndyǵy 6 shaqyrym bolatyn qorǵanys bógetin salýǵa múmkindik beredi. «Onyń 2,5 shaqyrymy Kóktuma aýylyna, 3,5 shaqyrymy Aqshı aýylyna tıesili», — dep úkimet túsindirdi.
Jaǵalaýdy nyǵaıtý boıynsha belsendi jumystar 2025 jyly bastalǵan edi. Sonda 1,7 shaqyrym ýchaskede mamandar topyraq jáne beton jumystaryn júrgizip, gabıon qurylymdaryn tósep, betkeıdi nyǵaıtty.
Bóget tek turǵyn úıler men demalys aımaqtaryn qorǵap qana qoımaı, Alakóldiń týrısik áleýetin odan ári damytýǵa serpin beredi. Sońǵy eki jylda Qazaqstannyń alty óńirinde (Aqmola, Aqtóbe, Batys Qazaqstan, Qostanaı, Soltústik Qazaqstan jáne Pavlodar oblystary) 243 shaqyrymnan astam qorǵanys bógetteri salynyp, nyǵaıtyldy.
Úkimet sý jáne týrısik ınfraqurylymdy damytý jónindegi jobalardyń iske asyrylýy kabınettiń turaqty baqylaýynda ekenin sendirdi.