Sońǵy úsh kúnde Alakólde gıdrosıklder men katerlerdiń qatysýymen eki qaıǵyly oqıǵa boldy. Bir oqıǵada adam qaza tapsa, ekinshisinde zeınetker áıel eki aıaǵynan aıyryldy, dep habarlaıdy infohub.kz.
16 shilde kúni keshke 69 jastaǵy almatylyq áıel kele jatqan katerdiń astyna túsip qaldy. Dárigerler ony shuǵyl túrde Alakól aýdandyq ortalyq aýrýhanasyna aýyr aralas polıtravımamen jetkizdi. Sol aıaǵy julynyp, oń aıaǵy qatty janshylǵan. Qan ketý men shok saldarynan ómirin saqtap qalý úshin dárigerler eki aıaqty da kesýge májbúr boldy. 18 shildedegi jaǵdaı boıynsha, naýqas jansaqtaý bóliminde; óte aýyr jaǵdaıǵa qaramastan, oń dınamıka baıqalady.
Jetisý oblysynyń polısıasy Alakóldegi Kóktýma aýylynda áıeldi katerdiń qaǵyp ketýi faktisi boıynsha qylmystyq is qozǵady. Jaǵdaılar anyqtalýda.
Kelesi kúni, 17 shildede, kól akvatorıasynda eki gıdrosıkl soqtyǵysty. Jetisý oblystyq tótenshe jaǵdaılar departamentiniń málimetinshe, bir gıdrosıkl ekinshisine soǵylyp, apat saldarynan bir adam qaza taýyp, taǵy bir adam jaraqat aldy. Alakól aýdandyq polısıa bólimi sotqa deıingi tergep-tekserý júrgizýde.
Ekinshi oqıǵadan keıin TJD qarańǵy ýaqytta navıgasıalyq shamdarmen jabdyqtalmaǵan kishi kólemdi kemelermen sýǵa shyǵýǵa tyıym salynǵanyn eske saldy. Júzý maýsymynyń basynan beri vedomstvo qyzmetkerleri Alakólde kúndelikti reıdter júrgizip keledi, al 1 shildeden bastap kishi kólemdi kemelerdi paıdalanýǵa memlekettik baqylaý júzege asyrylýda. Sýdaǵy qaýipsizdik erejelerin buzǵany úshin 108 ákimshilik hattama toltyryldy.
Qutqarýshylar kater men gıdrosıkl ıelerin talaptardy saqtaýǵa shaqyrady: tyıym salynǵan ýaqytta sýǵa shyqpaý, qutqarý keýdeshelerin paıdalaný, qujattary bolýy jáne jolaýshylar syıymdylyǵynan asyrmaý.
Bir jyl buryn Alakólde kater jaǵadan 200–250 metr qashyqtyqta júzip júrgen 63 jastaǵy demalýshyny qaǵyp ketken edi. Áıel alǵan jaraqattarynan kóz jumdy.