Qaraqas álbatrostar planetadaǵy temperatýranyń kóterilý jyldamdyǵyna ilesip, klımat ózgerisine beıimdele almaı otyr. Osyndaı tujyrymǵa ǵalymdar keldi, dep habarlaıdy infohub.kz saıty.
SciTechDaily jazýynsha, Rımýskıdegi Kanada ýnıversıtetiniń zertteýshileri halyqaralyq áriptesterimen birge Ońtústik muhıtta mekendeıtin qaraqas álbatrostardyń tirshiligin zerttegen. Uzaq ómir súretin bul qustar baıaý jetilip, kesh tóldeıdi. Sondyqtan paıdaly genetıkalyq ózgerister urpaqtan urpaqqa tym uzaq beriledi.
Kompúterlik modeldeý kórsetkendeı, paıdaly qasıetter urpaqqa jetedi, alaıda túrdiń jalpy sany paıdaly belgiler kópshilik daraqqa taralyp úlgermeı jatyp, tezirek azaıady.
Tabıǵı suryptalý qorshaǵan orta birtindep ózgergende popýlásıany saqtap qala alady, biraq qarqyndy jahandyq jylyný bul qorǵanys tetikterin túgeldeı joqqa shyǵarady. Sırek kezdesetin túrlerdi saqtaýdyń tıimdi joly — parnıktik gazdar shyǵaryndysyn aıtarlyqtaı qysqartý.
Zertteý avtorlarynyń baǵalaýynsha, klımatqa antropogendik qysymdy azaıtý ǵana janýarlardyń qyrylýyn báseńdetip, evolúsıaǵa jabaıy tabıǵat turǵyndaryn saqtap qalýǵa naqty múmkindik beredi.