Qazaqstannyń erler arasyndaǵy jeke synda ekinshi raketkasy Aleksandr Shevchenko Gshtaadtaǵy topyraq kortyndaǵy ATP 250 týrnıriniń ekinshi aınalymynda jeńiske jetti, dep habarlaıdy infohub.kz saıty.
ATP reıtıńinde 100-orynda turǵan sportshy shveısarıalyq Domınık Shtefan Strıkermen kezdesti. Ol álemde 360-raketka jáne arnaıy shaqyrtýmen negizgi torǵa ótken bolatyn. Mach 16 shildede bastalyp, jańbyrǵa baılanysty úzilip, kelesi kúni aıaqtaldy. Shevchenko 7:6 (taı-breıkte 7:5), 6:2 esebimen jeńdi.
Tenısshiler kortta 1 saǵat 28 mınýt ótkizdi. Osy ýaqyt ishinde qazaqstandyq toǵyz eıs jasady, tórt qos qatelik jiberdi jáne tórt breık-poınttyń úsheýin paıdalandy.
Shırek fınalda Shevchenko ATP reıtıńinde 90-orynda turǵan fransýz Kenten Alıspen kezdesedi. Alıs ekinshi aınalymda týrnırden Aleksandr Býblıkti shyǵaryp tastady.