«Rassmeshı komıka» shoýynyń jeńimpazy retinde tanylǵan burynǵy ázilkesh Alekseı Reva Ýkraına qorǵanys mınıstriniń orynbasary qyzmetine taǵaıyndaldy. Bul týraly eldiń áskerı vedomstvosy óziniń Telegram-arnasynda habarlady, dep jazady NUR.KZ RIA Novostıge silteme jasap, ol týraly infohub.kz saıty habarlaıdy.
«Qorǵanys mınıstrliginiń komandasyn kúsheıtýdi jalǵastyramyz. Úkimet maıor Alekseı Revany Ýkraına Qorǵanys mınıstriniń sıfrlyq damý, sıfrlyq transformasıa jáne sıfrlandyrý jónindegi orynbasary etip taǵaıyndady», — delingen vedomstvo jarıalanymynda.
Jańa qyzmette Reva qorǵanys kúshterine arnalǵan sıfrlyq júıeler men servısterdiń damýyn, sondaı-aq armıadaǵy prosesterdi jeńildetip, áskerı qyzmetshilerge júktelgen mindetterdi oryndaýǵa kómektesetin tehnologıalardy engizýdi qadaǵalaıtyn bolady.
Basylym atap ótkendeı, 2015 jyly Alekseı Reva «Rassmeshı komıka» shoýynda jeńiske jetken. Keıin ol «Mamahohotala» ázil stýdıasynda akter jáne senarıst bolyp óner kórsetti. Reseımen qaqtyǵys bastalǵannan keıin Reva egiz aǵasymen birge TSK-ǵa qyzmetke túsip, keıin Ýkraınanyń Bas barlaý basqarmasynda jáne Qorǵanys mınıstrliginiń IT-sektorynda áskerı mindettilerdi esepke alýǵa arnalǵan baǵdarlamalyq jasaqtama jasaýmen aınalysty.