Qazaqstannyń halyq ártisi Roza Rymbaevanyń uly, otandyq ánshi Alı Okapov jankúıerleriniń toılar men korporatıvterde óner kórsetý týraly suraǵyna jaýap berdi, dep habarlaıdy infohub.kz saıty.
Ánshi jaýabyn Instagram paraqshasynda jarıalady. Onyń aıtýynsha, mundaı suraqtar ony tańqaldyrady.
«Jeke ánshi retinde ózimdi bilgennen beri, al sahnada 15 jylǵa jýyq ýaqyt ótti, birinshi jyldan bastap barlyq jerde óner kórsettim, óıtkeni men sahnany jalpy bólmeımin. Shynymdy aıtsam, maǵan báribir: 50 adamǵa arnalǵan toı ma, álde 50 myń adamǵa jınalǵan Open air pa. Mindet bir-aq: án salyp, bı bılep, kóńil-kúı syılaý. Kóńil-kúıdi kóterý nemese kerisinshe, túsirý (kúledi — red. eskertpesi). Jalpy, emosıa syılaý. Sondyqtan jumysymnyń mańyzdy bóligi — jeke is-sharalar: toılar, mereıtoılar, korporatıvter. Men buǵan tamasha qaraımyn. Birinshiden, bul — tabys kózi, ekinshiden, konsertterde ala almaıtyn emosıa zarádyn adamdarmen birge bolǵanda alasyń», — dedi Alı Okapov.
Buǵan deıin Alı Okapov pen Aqerke Búrkitbaı úndi kınokeıipkerleriniń beınesinde jelini baǵyndyrǵanyn jazǵan bolatynbyz.