Álibek Dinishev — opera ánshisi, tenor. Álibek Musauly 1951 jyly 30 shildede Almaty qalasynda dúnıege keldi. 1970 jyly Almaty mýzyka ýchılıshesin, 1976 jyly Almaty konservatorıasynyń vokal fakúltetin bitirdi. Qazaq fılarmonıasynyń ánshisi retinde 1978 jyldan bastap Abaı atyndaǵy Opera jáne balet teatrynda qyzmet atqarady.
Álibek Dinishevtiń repertýarynda Lenskıdiń (P.I. Chaıkovskı, «Evgenı Onegın»), Vladımırdiń (A.P. Borodın, «Knáz Igor»), Aıdardyń (A.Q. Jubanov pen L.A. Hamıdı, «Abaı»), Tólegenniń (E.G. Brýsılovskı, «Qyz Jibek») jáne basqa da tanymal keıipkerlerdiń kóptegen partıalary bar. Ol – KSRO jáne Qazaq KSR halyq ártisi.