Almatylyq alty jasar Álıhan kún saıyn qurysý ustamalarynan zardap shegedi. Ol náreste kezinde menıngıtpen aýyryp, aýyr nevrologıalyq asqynýlarǵa ákelgen, shuǵyl emdeýdi qajet etetin jaǵdaıǵa tap bolǵan. Bul týraly infohub.kz saıty habarlaıdy.
Álıhan saý bala bolyp dúnıege kelgen, deıdi onyń anasy. Bes aılyǵynda balanyń qyzýy kóterilip, qurysý bastalǵan. Balany shuǵyl túrde aýrýhanaǵa jatqyzyp, dárigerler «menıngıt» degen dıagnoz qoıǵan. Sol sátten bastap Álıhannyń jaǵdaıy kúrt nasharlaǵan.
«Menıngıtten keıin onyń boıynda aýyr nevrologıalyq asqynýlar paıda boldy. Qazirgi ýaqytta Álıhanǵa sımptomatıkalyq epılepsıa, serebraldy sal aýrýy, psıhomotorlyq jáne sóıleý damýynyń tejelýi, gıdrosefalıa jáne kórý júıkesiniń ishinara atrofıasy dıagnozy qoıylǵan. Bala kún saıyn qurysý ustamalarynan zardap shegedi, olar kúnine birneshe ret qaıtalanýy múmkin. Turaqty emge qaramastan, ustamalardy tolyq baqylaýǵa alý múmkin bolmaı otyr», — dedi balanyń anasy Asylzada Áblaeva.
Onyń aıtýynsha, Álıhan jasyna saı damymaı, turaqty kútim men mamandardyń baqylaýyn qajet etedi. «Biz shetelde tereńdetilgen tekserýden ótip, tıimdi em alý múmkindigin izdep jatyrmyz, óıtkeni Qazaqstanda emdeý turaqty nátıje bermeıdi», — dep túsindirdi Asylzada.
Otbasy Ystambuldaǵy klınıkada tekserý úshin qarajat jınaýdy bastady, onyń somasy 8535 eýrony — 4 640 600 teńgeni quraıdy.
Rekvızıtter: Kaspi: 4400 4303 8622 8461 Asylzada A. Halyk: 4405 6397 0796 5941 Asylzada A. Tel.: +7 747 698 95 78. Instagram @zhangazi.alihan.