Qazaqstan-Reseı shekarasyndaǵy «Álimbet» ótkizý pýnktinde qaıta jańǵyrtý jumystary jalǵasýda. Jańǵyrtýdan keıin ol kólik ótkizý qabiletin arttyryp, avtomobılderdi resimdeý shamamen tórt mınýtqa deıin qysqarady, dep habarlaıdy infohub.kz.
Quny 16,7 mlrd teńgeni quraıtyn jobany qaıta jańǵyrtýdy «QazAvtoJol» UK AQ Aqtóbe oblystyq fılıaly júrgizýde. Qurylys 2025 jyldyń qyrkúıeginde bastaldy. Qazirgi ýaqytta nysannyń daıyndyǵy 32 %-dy quraıdy.
Jumystardy 2026 jyldyń sońyna deıin aıaqtaý josparlanýda. Jańartýdan keıin ótkizý pýnktinde ár baǵytta tórt jolaqtan paıda bolady, onyń bireýi – gabarıtten tys kólikter úshin.
«Prosesti avtomattandyrýdyń arqasynda avtomobılderdi ótkizý ýaqyty da qysqarady. Árbir birlikke shamamen tórt mınýt. Buǵan memlekettik nómirlerdi oqý júıesi men derekqormen ıntegrasıa arqyly qol jetkiziledi», — delingen Aqtóbe oblysy ákimdiginiń habarlamasynda.
Qazaqstannyń Qytaı, Reseı, Eýropa jáne Ortalyq Azıa arasynda logıstıkalyq habqa aınalýyna kedergi keltiretin máseleler buryn jarıalanǵan edi.