Batys Qazaqstan oblysynda kolej stýdenti men onyń ákesi alıment daýyn beıbit jolmen sheshti: er adam oqý kezeńinde ulyna aı saıyn 40 myń teńge tóleıtin boldy, dep habarlaıdy infohub.kz saıty.
Batys Qazaqstan oblystyq sottarynyń resmı Telegram-arnasynda habarlanǵandaı, Qaztalov aýdandyq soty ulynyń ákesine oqý kezeńinde alıment óndirý týraly talap aryzyn qarady.
Talap qoıýshy kúndizgi bólimde kolejde oqıtynyn málimdep, ákesinen oqý ýaqytynda alıment óndirýdi surady.
İsti máni boıynsha qaraýǵa deıin tatýlastyrýshy sýdıa tatýlastyrý rásimin júrgizip, taraptarǵa daýdy beıbit jolmen sheshý múmkindigin túsindirdi.
Nátıjesinde taraptar bitimgershilik kelisim jasap, ony sotqa bekitýge usyndy.
Kelisim sharttary boıynsha ákesi 2026 jylǵy 25 qyrkúıekten 2027 jylǵy 25 maýsymǵa deıin ulyna aı saıyn 40 myń teńge tóleýge mindettendi. Kelisim jasalǵannan keıin talap qoıýshy talabynan bas tartty.
Sot taraptardyń kelisimin bekitip, is boıynsha is júrgizýdi toqtatty jáne taraptarǵa quqyqtyq saldarlardy túsindirdi.
Sot uıǵarymy zańdy kúshine engen joq.