Qazaqstandyq boksshy Jánibek Alımhanuly sýperorta salmaq dárejesine ótkennen keıin meksıkalyq Saýl «Kanelo» Alvareske úndeý jasady, dep habarlaıdy infohub.kz.
Alımhanuly Instagram Stories-te «Kaneloǵa» arnalǵan jazba jarıalady: «„Kanelo“, men seniń salmaǵyńa kóshtim! Senimen arada jabylmaǵan másele bar».
Buǵan deıin qazaqstandyq boksshy óz paraqshasynda jańa salmaq dárejesine ótetinin málimdegen edi. Ol orta salmaqta belbeýlerdi jeńip alǵanyn jáne ári qaraı jyljýdy kózdeıtinin aıtty: «Biz bul joldy sýperorta salmaqta jalǵastyramyz! Bul dárejede ataqty boksshylar az emes. Buryn meniń salmaǵymda óner kórsetken kóptegen boksshy qazir sýperorta salmaqta júrip, chempıon atanyp jatyr. Endeshe, olardy da azdap mazalaıtyn kez keldi».
Eske salaıyq, osyǵan deıin Dúnıejúzilik boks uıymynyń (WBO) basshysy Gýstavo Olıverı The Ring basylymyna Alımhanulynyń orta salmaqtaǵy WBO tıtýlynan bas tartyp, sýperorta salmaqqa kóshetinin málimdegen bolatyn.