2026 jylǵy 25 shildeden bastap Almatyda №61, 218 jáne 238 avtobýs baǵyttarynyń qozǵalys sqemasy ózgeredi. Bul sheshimdi qalalyq jol qozǵalysyn jáne jolaýshylar kóligin uıymdastyrý basqarmasy qabyldady. Ózgerister Saın kóshesiniń Rysqulov dańǵylynan Aqyn Sara kóshesine deıingi jańa ýchaskesiniń ashylýyna, sondaı-aq Rysqulov dańǵylynan Mustafın kóshesine deıingi bólikte qoǵamdyq kólikke arnalǵan bólingen jolaqtyń iske qosylýyna baılanysty, dep habarlaıdy inbusiness.kz.
Túzetýler qoǵamdyq kóliktiń jyldamdyǵy men turaqtylyǵyn arttyrýǵa, sondaı-aq jańartylǵan kóshe-jol jelisin tıimdi paıdalanýǵa baǵyttalǵan. Ózgerister turaqty negizde qoldanylatyn bolady.
Baǵyttardyń jańa sqemalary:
Marshrýt №218
Ońtústik baǵytta: Móńke bı kóshesi — Saın kóshesi — Abaı dańǵyly — Iassaýı kóshesinen keıin burylys — Abaı dańǵyly — sońǵy aıaldama «B. Momyshuly metro stansıasy». Keri baǵytta: «B. Momyshuly metro stansıasy» — Abaı dańǵyly — Saın kóshesi — Móńke bı kóshesi — ári qaraı qoldanystaǵy sqema boıynsha.
Marshrýt №238
Ońtústik baǵytta: Saın kóshesi — Tóle bı kóshesi — sońǵy aıaldama «Avtostansıa». Keri baǵytta: «Avtostansıa» — Tóle bı kóshesi — Saın kóshesinen keıin burylys — Tóle bı kóshesi — Saın kóshesi — ári qaraı qoldanystaǵy sqema boıynsha.
Marshrýt №61
Ońtústik baǵytta: Abaı dańǵyly — Saın kóshesi — Ál-Farabı dańǵyly — sońǵy aıaldama «“Arman” avtostansıasy». Keri baǵytta: «“Arman” avtostansıasy» — Jarokov kóshesiniń aıryǵy — Ál-Farabı dańǵyly — Saın kóshesi — Abaı dańǵyly — ári qaraı qoldanystaǵy sqema boıynsha.