Almatyda polısıa qyzmetkerleri jas áıelge qatysty yqtımal quqyqqa qaıshy áreketter týraly habarlamany tekserip jatyr. Janjal taraptary bolǵan oqıǵanyń ártúrli nusqalaryn aıtýda, dep habarlaıdy infohub.kz.
Oqıǵa Alataý aýdanyndaǵy turǵyn úı keshenderiniń birinde bolǵan. Tergeýdiń bastalýyna túngi ýaqytta 102 púltine kelip túsken qońyraý sebep bolyp, polısıa qyzmetkerleri dereý oqıǵa ornyna jetken.
Aldyn ala málimetterge sáıkes, qyz beıtanys adammen tanysqan soń onyń úıine barǵanyn aıtqan. Keıin olardyń arasynda janjal shyǵyp, ol er adamnyń tarapynan quqyqqa qaıshy áreketter bolǵanyn málimdegen. «Qyz qıyn jaǵdaıǵa tap bolyp, beıtanys adammen tanysqan soń onyń úıine barǵanyn túsindirdi. Keıin olardyń arasynda janjal týyndap, ol polısıaǵa júginip, er adamnyń quqyqqa qaıshy áreketteri týraly habarlady», — dep atap ótti polısıa.
Al er adam basqa nusqany ustanady. Ol tanys emes áıelge kómekteskisi kelgenin, sebebi ol týystaryna bara almaı, baılanys quraldary joq ekenin aıtqanyn jetkizgen. «Er adam qyz týystaryna bara almaı, baılanyssyz qalǵanyn aıtqan soń, oǵan ýaqytsha kómek kórsetýdi adamgershilik nıetpen usynǵanyn málimdeıdi», — dep qosty polısıa.
Qazirgi ýaqytta polısıa qyzmetkerleri oqıǵanyń barlyq mán-jaıyn anyqtap, eki taraptyń da dáıekterin tekserip, prosesýaldyq áreketter júrgizýde. «Tekserý nátıjeleri boıynsha zańnamaǵa sáıkes quqyqtyq baǵa beriletin bolady», — dep túıindedi polısıa.