21 shildede Almatyda qolaısyz meteorologıalyq jaǵdaılar kútiledi, dep habarlaıdy infohub.kz saıty.
Qazgıdromet mamandarynyń túsindirýinshe, qolaısyz meteojaǵdaılar (QMJ) tymyq aýa, álsiz jel, tuman jáne temperatýra ınversıasynyń qatar kelýinen paıda bolady. Nátıjesinde lastaýshy zattar jer betine jaqyn atmosfera qabatyna jınalyp, aýa sapasynyń nasharlaýyna ákeledi.
Sınoptıkter mundaı kezeńderde densaýlyqqa teris áser etý qaýpi artatynyn, ásirese sozylmaly aýrýlary bar adamdarǵa qaýipti ekenin eskertedi. Aýanyń lastaný deńgeıine jeldiń jyldamdyǵy, jaýyn-shashyn, ylǵaldylyq jáne temperatýra áser etedi.
Turǵyndarǵa kóshede, ásirese avtokólik joldary men basqa da lastaný kózderiniń janynda bolý ýaqytyn qysqartý usynylady. Balalar men júkti áıelderge uzaq serýenderden bas tartýǵa keńes beriledi. Tynys alý jáne júrek-qan tamyrlary júıesi aýrýlary bar adamdar men alergıamen aýyratyndarǵa qajetti dári-dármekterdi árqashan janynda ustaýǵa keńes beriledi. Mamandar ashyq aýada dene belsendiligin shekteýdi jáne múmkin bolsa, sabaqtardy jabyq úı-jaılarǵa aýystyrýdy usynady.
Buǵan deıin «Kýrsıv» 21 shildede Qazaqstanda aýa raıy kúrt nasharlaıtynyn habarlady: soltústik-batys sıklony eldiń basym bóligine naızaǵaıly jańbyr, keı jerlerde qatty nóser, burshaq, ekpindi jel jáne shańdy daýyl ákeledi.