Almatyda sırek kezdesetin oqıǵa boldy: bir kólik bir kúnde eki ret arnaıy aıyppul turaǵyna qoıylyp, onyń ıesine qatysty qylmystyq is qozǵaldy, dep habarlaıdy infohub.kz saıty.
Almaty qalalyq polısıa departamentiniń málimetinshe, kólik kóptegen tólenbegen aıyppulǵa baılanysty arnaıy turaqqa qoıylǵan.
«Birneshe saǵattan keıin ıesi qujattaryn alýǵa kelgen. Biraq onyń ornyna rólge otyryp, turaq aýmaǵynan óz betinshe shyǵyp ketti. Polısıa kólikti izdeýge kiristi. Kólik Quderın kóshesiniń mańyndaǵy Raıymbek dańǵylynda tabylyp, buǵattaldy. Sodan keıin ol qaıtadan arnaıy aıyppul turaǵyna jetkizildi», — dep túsindirdi polısıadaǵylar.
Osydan keıin júrgizýshige qatysty úsh ákimshilik hattama toltyryldy. Sonymen qatar óz betinshe shyǵyp ketý faktisi boıynsha qylmystyq is qozǵaldy. Er adam Jetisý aýdanynyń polısıa basqarmasyna jetkizildi.
Polısıa eske salady: kóliktiń arnaıy turaqta turýy — jaı formaldylyq emes. Onyń aýmaǵynan óz betinshe shyǵý quqyqtyq saldarǵa ákep soǵady.