Almaty halyqaralyq konsaltıńtik kompanıa Boston Consulting Group (BCG) ázirlegen «Aqyldy qalalar ındeksi 2026» (Intelligent Cities Index 2026) atty alǵashqy álemdik reıtıńke qatysty, dep habarlaıdy infohub.kz.
Zertteý qalalardyń turmys sapasyn jaqsartý, ekonomıkany yntalandyrý jáne qalalyq basqarýdy ońtaılandyrý úshin jasandy ıntellekt pen sıfrlyq tehnologıalardy qalaı qoldanatynyn baǵalaıdy. Sarapshylar tek sıfrlandyrý deńgeıin ǵana emes, tehnologıalardyń turǵyndarǵa tıgizetin praktıkalyq paıdasyn da eskerdi.
Qazaqstandyq megapolıs álemniń 61 iri qalasy arasynda 62 upaı jınap, 38-orynǵa ıe boldy. Osylaısha Almaty Stambýl (52-oryn, 55 upaı), Delı (43-oryn, 59 upaı), Mılan (41-oryn, 61 upaı), Varshava (47-oryn, 58 upaı) jáne Mehıko (53-oryn, 55 upaı) sekildi iri qalalardy artta qaldyrdy. Reıtıńte Almaty Tokıo, Gonkong jáne Djakartamen qatar ornalasty.
Reıtıńti qurastyrý barysynda BCG mamandary turǵyndarǵa arnalǵan nátıjeler, damý strategıasy, sıfrlyq qyzmetter men jasandy ıntellektti engizý, basqarý tıimdiligi, sondaı-aq ınfraqurylym, qarjylandyrý jáne kadrlyq áleýet sıaqty bes baǵytty taldady. Zertteý qorytyndysy boıynsha Almaty «damýshy qalalar» sanatyna jatqyzyldy – ıaǵnı sıfrlyq ortany jetildirýdi jáne zamanaýı tehnologıalardy qoldanýdy keńeıtýdi jalǵastyryp jatqan qalalar.
Intelligent Cities Index 2026 kóshbasshysy – London. Odan keıin Dýbaı, Nú-Iork, Vashıngton jáne Amsterdam tur. BCG-nyń pikirinshe, bul qalalar qalalyq ortany damytý úshin jasandy ıntellekt pen sıfrlyq tehnologıalardy barynsha sátti qoldanady. Avtorlar atap ótkendeı, naǵyz «aqyldy» qala – tehnologıalar kóp engizilgen qala emes, sıfrlyq sheshimder turǵyndarǵa shynymen kómektesetin, qyzmetterdi yńǵaıly etetin jáne ekonomıkalyq ósýge yqpal etetin qala.
Buǵan deıin «Kýrsıv» basylymy Almatynyń QS Best Student Cities 2027 álemdik reıtıńinde Ortalyq Azıadaǵy úzdik stýdenttik qala dep tanylǵanyn habarlaǵan bolatyn.