Almaty – Aqtóbe baǵytyndaǵy reıstiń jolaýshylary ushaqtyń segiz saǵatqa keshigýine tap boldy. Oqıǵa Almaty áýejaıynda boldy, ashýlanǵan jolaýshylar áleýmettik jelilerde vıdeo bólisti, dep habarlaıdy infohub.kz saıty.
«Prezıdentke hattar» Telegram-arnasy áýejaı ǵımaratynda jolaýshylar túsirgen beınejazbany jarıalady. Olardyń aıtýynsha, Aqtóbege reıs segiz saǵatqa keshiktirilgen, sebebi olarǵa túsindirilmegen. Sonymen qatar, jolaýshylar olarǵa tipti ystyq shaı da usynylmaǵanyna shaǵymdandy.
SCAT avıakompanıasy NUR.KZ tilshisine Almaty – Aqtóbe baǵytyndaǵy reıstiń keshigýi ushý aldyndaǵy daıyndyq kezinde áýe kemesine qosymsha tehnıkalyq qyzmet kórsetý qajettiligine baılanysty bolǵanyn túsindirdi. «Reıstiń oryndalýyn qamtamasyz etý úshin avıakompanıa ushaqty aýystyrý týraly sheshim qabyldady. Áýe kemesin aýystyrýdy uıymdastyrý jáne reısti ushýǵa daıyndaý qosymsha ýaqyt aldy. Reıs mártebesi týraly aqparat jolaýshylarǵa áýejaıdaǵy habarlandyrýlar arqyly jáne avıakompanıa ókilderi tarapynan túsken saıyn berilip otyrdy. Kútý ýaqytynda jolaýshylarǵa sýsyndar men snekter usynyldy. Avıakompanıa uzaq kútkeni jáne týyndaǵan qolaısyzdyqtar úshin jolaýshylardan keshirim suraıdy. Jolaýshylar men ushý qaýipsizdigi bizdiń sózsiz basymdyǵymyz bolyp qala beredi», – dep málimdedi kompanıada.