Almatyda jergilikti turǵyn kóshede qoly baılanǵan, aıaq kıimi joq áıeldi baıqaǵan. Kýágerdiń aıtýynsha, ol úıden áreń qashyp shyqqan, keıin ony týǵan uly baılaǵany belgili boldy, dep habarlaıdy infohub.kz saıty.
Áıeldiń osyndaı kúıdegi sýreti men aqparaty «Pısma prezıdentý» Telegram-arnasynda jarıalandy. Habarlamada aıtylǵandaı, ul óz anasyn onyń otbasylyq ómirine aralasqany úshin jazalaǵan.
NUR.KZ tilshisi Almaty qalalyq polısıa departamentiniń baspasóz qyzmetinen pikir surady. Onda tekserý bastalǵany málim boldy.
«Áıeldiń jeke basy anyqtaldy, qazir ol polısıada túsinikteme berip jatyr. Buǵan deıin atalǵan oqıǵa boıynsha polısıaǵa eshqandaı shaǵym túspegen», — dedi departamentte.
Qazir bolǵan oqıǵanyń barlyq mán-jaıy tekserilip jatyr — onyń qorytyndysy boıynsha quqyqtyq baǵa berilip, tıisti sharalar qoldanylady.