16-20 shilde aralyǵynda Almatyda qatty ystyq kútiledi. Keı jerlerde aýa temperatýrasy +42°C-qa deıin kóteriledi. Bul bıylǵy jazdyń eń ystyq kezeńi bolmaq. Sondyqtan qalalyq qyzmetter kóshelerdi jıirek jáne kóbirek sýarýdy bastaıdy, dep habarlaıdy infohub.kz saıty.
Almaty ákimdiginiń málimetinshe, eń ystyq saǵattarda qala joldaryna 16 arnaıy tehnıka kolonnasy shyǵady. Olar joldyń júrý bóligin sýaryp qana qoımaı, aýaǵa da sý búrkiletin bolady. Jumystar qarqyndy kólik jáne jaıaý júrginshi qozǵalysy bar 128-den astam kósheni qamtıdy.
Sonymen qatar, qalada kúndelikti sanıtarlyq tazalaý jumystary jalǵasýda. 500-den astam arnaıy tehnıka joldardy, trotýarlardy, aıaldamalardy jáne basqa da qala ınfraqurylymy nysandaryn jýyp-tazalaıdy.
Joldardy sýarý jáne aýany ylǵaldandyrý jol betindegi temperatýrany tómendetýge, shańdy azaıtýǵa jáne asfáltty qyzyp ketýden qorǵaýǵa kómektesedi.
Buǵan deıin anomaldy ystyqqa baılanysty almatylyqtar jedel járdemdi jıi shaqyra bastaǵany habarlanǵan bolatyn.