Azıa Olımpıadalyq Keńesiniń (AOK) delegasıasy Almatynyń 2029 jylǵy X qysqy Azıa oıyndaryna daıyndyǵyn alǵash ret tekserdi. Tekserýge Qazaqstan týrızm jáne sport vıse-mınıstri Serik Jarasbaev qatysty, dep habarlaıdy infohub.kz.
Sapar barysynda Týrızm jáne sport mınıstrliginiń, Almaty ákimdiginiń, Ulttyq olımpıadalyq komıtettiń jáne AOK ókilderimen keńester ótti. Sport ınfraqurylymynyń daıyndyǵy, jarystardy uıymdastyrý jáne qabyldaýshy taraptyń mindettemelerin oryndaý máseleleri talqylandy. Delegasıa negizgi nysandardy aralady: «Medeý» bıik taý kesheni, «Shymbulaq» kýrorty, «Suńqar» shańǵy kesheni, sondaı-aq «Halyq Arena», «Almaty Arena» jáne Balýan Sholaq atyndaǵy sport saraıy. Logıstıkaǵa, qatysýshylardy ornalastyrýǵa, tehnıkalyq aımaqtarǵa jáne arenalardyń halyqaralyq federasıalar talaptaryna sáıkestigine erekshe kóńil bólindi.
AOK ókilderi Almatynyń Azıadaǵa daıyndyq barysyna oń baǵa berip, kelesi tekserýler kestesin qosa alǵanda, odan ári yntymaqtastyqty kelisti. Eske salaıyq, X qysqy Azıa oıyndary 2029 jyly Astana men Almatyda ótedi.