18 shildede Qazaqstannyń alty qalasynda qolaısyz meteorologıalyq jaǵdaılar (QMJ) kútiledi. Bul jaǵdaı atmosferanyń jerge jaqyn qabatynda lastaýshy zattardyń jınalýyna ákeledi, dep habarlaıdy infohub.kz saıty.
«Qazgıdromet» RMK derekterine sáıkes, kúndiz Almatyda QMJ boljanady. Túngi ýaqytta qolaısyz meteojaǵdaı Astana, Petropavl, Qaraǵandy, Jezqazǵan jáne Temirtaý qalalaryn qamtıdy.
Qolaısyz meteojaǵdaılar – aýadaǵy zıandy qospalardyń taralýy nasharlaıtyn aýa raıy faktorlarynyń jıyntyǵy. Mundaı kezeńderde turǵyndarǵa, ásirese tynys alý organdary aýrýlary bar adamdarǵa, ashyq aýada bolý ýaqytyn qysqartýǵa jáne ýákiletti qyzmetterdiń resmı habarlamalaryn qadaǵalaýǵa keńes beriledi.