18 tamyzda Almaty men Atyraýda qolaısyz meteorologıalyq jaǵdaılar (QMJ) kútiledi, dep habarlaıdy infohub.kz.
Sınoptıkterdiń dereginshe, QMJ Almatyda, al túnde Atyraýda boljanady.
Mamandardyń túsindirýinshe, qolaısyz meteojaǵdaı tymyq aýa raıy, álsiz jel, tuman jáne temperatýralyq ınversıa kezinde qalyptasady. Sonyń saldarynan atmosferanyń jerge jaqyn qabatynda zıandy zattar jınalyp, aýa sapasynyń nasharlaýyna ákeledi.
Sınoptıkter mundaı kezeńderde densaýlyqqa keri áser etý qaýpi artatynyn, ásirese sozylmaly aýrýlary bar adamdarǵa qaýipti ekenin eskertedi.
Aýanyń lastaný deńgeıine jeldiń jyldamdyǵy, jaýyn-shashyn, ylǵaldylyq jáne aýa temperatýrasy áser etedi.
Turǵyndarǵa kóshede, ásirese avtokólik joldary men basqa da lastaný kózderiniń janynda bolý ýaqytyn qysqartý usynylady. Balalar men júkti áıelderge uzaq serýendeýden bas tartýǵa keńes beriledi.
Tynys alý jáne júrek-qan tamyrlary júıesi aýrýlary bar adamdarǵa, sondaı-aq alergıasy barlarǵa qajetti dári-dármekterdi ózimen birge alyp júrý usynylady. Mamandar ashyq aýadaǵy fızıkalyq belsendilikti shektep, múmkindiginshe jattyǵýlardy jabyq úı-jaılarǵa aýystyrýǵa keńes beredi.
Buǵan deıin «Kýrsıv» 18 tamyzda Qazaqstannyń kóptegen aımaqtarynda turaqsyz aýa raıy kútiletinin jazǵan bolatyn. Qazgıdromet jańbyr men naızaǵaıdy, keı jerlerde burshaq pen daýyldy boljaıdy.