Almaty áýejaıynda Astanaǵa baratyn reıske tirkelý kezinde eki jolaýshy qoǵamdyq tártipti buzǵany jáne mas bolǵany úshin reıske jiberilmedi, dep habarlaıdy infohub.kz.
Kólik polısıasy departamentiniń málimetinshe, basqarma qyzmetkerleri áýekompanıa ókilderimen birlesip zańsyz áreketterdiń aldyn aldy. Tártip buzýshylar — 37 jastaǵy Almaty turǵyny jáne 26 jastaǵy Túrkistan oblysynyń turǵyny. Tirkeý kezinde ekeýi de mas kúıinde bolyp, qoǵamdyq tártipti buzǵan. Al kishisi bylapyt sóılegen.
Kólik polısıasy departamenti bastyǵynyń birinshi orynbasary Temirjan Ramazanovtyń aıtýynsha: «Quqyq buzýshylardyń birine qoǵamdyq orynda mas kúıinde júrgeni úshin ákimshilik is qozǵaldy. Ol buǵan deıin de osyndaı quqyq buzýshylyq jasaǵandyqtan, jınalǵan materıaldar sheshim qabyldaý úshin sotqa jiberildi. Ekinshi jolaýshy eki bap boıynsha — qoǵamdyq orynda mas kúıinde júrý jáne usaq buzaqylyq úshin jaýapqa tartyldy».