Almaty qalasynyń Alataý aýdanynda keshe túnde qaıǵyly oqıǵa boldy — jol apatynan eki adam qaza tapty, dep habarlaıdy infohub.kz saıty.
Jol-kólik oqıǵasy 27 shilde kúni saǵat 03:10-da ońtústik astananyń Alataý aýdanynda boldy. Aldyn ala málimetter boıynsha, Suzuki avtokóliginiń júrgizýshisi Rysqulov dańǵylymen batys baǵytta kele jatyp, Sháripov kóshesiniń qıylysynda keri burylý kezinde Rysqulov dańǵylymen shyǵys baǵytta kele jatqan Mercedes (Gelendvagen) avtokóligimen soqtyǵysqan.
Jol-kólik oqıǵasy saldarynan Suzuki avtokóliginiń júrgizýshisi men onyń jolaýshylarynyń biri alǵan jaraqattarynan oqıǵa ornynda qaza tapty. Suzuki avtokóliginiń taǵy bir jolaýshysy men Mercedes júrgizýshisi ártúrli dene jaraqattarymen medısınalyq mekemege jetkizildi.
«Eki adamnyń ólimine ákep soqqan jol-kólik oqıǵasy boıynsha Almaty qalalyq polısıa departamentiniń tergeý basqarmasy qylmystyq is qozǵady. Apattyń mán-jaıy anyqtalyp jatyr», — dep málimdedi Almaty PD baspasóz qyzmeti.