Almaty turǵyny qoǵamdyq kólikte shabýyl jasalǵanyn habarlady: onyń aıtýynsha, qart er adam oryn berýdi suraǵannan keıin oǵan qarsy tunshyqtyrý ádisin qoldanǵan. Oqıǵa №227 avtobýsta bolǵan, dep habarlaıdy infohub.kz saıty.
Threads áleýmettik jelisindegi llyvdu atty qoldanýshy keshki saǵat 18:00 shamasynda «Seıfýllına — Sholohov» aıaldamasynan avtobýsqa otyryp, artqy oryndyqqa jaıǵasqanyn aıtty. Qasynda otyrǵan er adamnan oryn berýin suraǵanda, ol kútpegen jerden eshqandaı eskertýsiz «tunshyqtyrý ádisin» qoldanǵan. Qyz aıaǵymen jáne qolymen ıterip, sondaı-aq basqa jolaýshynyń kómeginiń arqasynda bosanyp shyqqan. Ol aınalasyndaǵylardy saq bolýǵa shaqyryp, bolǵan oqıǵaǵa nazar aýdartty.
Almaty polısıa departamenti NUR.KZ tilshisine bul fakti boıynsha tekserý júrgizilgenin habarlady. Quqyq qorǵaý organdary oqıǵaǵa qatysýshylardy anyqtap, shabýyl jasaǵan adamǵa qatysty ákimshilik hattama toltyrdy. Sot oǵan 10 táýlikke ákimshilik qamaqqa alý jazasyn taǵaıyndady.
Polısıa qoǵamdyq tártip normalaryn saqtaý jáne aınaladaǵylarǵa qurmetpen qaraý qajettigin eske saldy. Janjaldy jaǵdaılar týyndaǵan kezde azamattarǵa quqyqqa qaıshy áreketterden aýlaq bolyp, polısıaǵa kómek surap júginý kerektigin eskertti.