Almatyda qalanyń tórt aýdanynda jappaı elektr qýaty óshirilgennen keıin polısıa kúsheıtilgen jumys rejımine kóshti. Kóptegen qıylystarda baǵdarshamdar qolmen retteýge aýystyryldy, al eń júktelgen ýchaskelerde 150-den astam polısıa qyzmetkeri kezekshilik etip jatyr, dep habarlaıdy infohub.kz saıty.
Polısıa departamentinde habarlaǵandaı, qazir baǵdarshamdar qolmen retteýge aýystyryldy. Eń júktelgen jáne osal ýchaskelerge 150-den astam polısıa qyzmetkeri tartylyp, olar jol qozǵalysyn rettep jatyr.
Almaty polısıasy joldardaǵy ahýaldy baqylaýda ustap, kólik qozǵalysynyń úzdiksiz jáne qaýipsiz bolýyn qamtamasyz etý úshin barlyq qajetti sharalardy qoldanýda. Júrgizýshiler men jaıaý júrginshilerden polısıa qyzmetkerleriniń talaptaryn oryndaýdy, barynsha muqıat bolýdy jáne múmkindiginshe balamaly baǵyttardy tańdaýdy suraıdy.
Eske salaıyq, búgin Almatyda jáne Almaty oblysynda aýqymdy blekaýt boldy. Energetıka mınıstrliginiń baspasóz qyzmetiniń málimetinshe, sebebi — Ortalyq Azıa energojúıesi tarapynan elektr qýaty aǵynynyń kúrt ózgerýinen týyndaǵan energojúıedegi qýattyń asyp ketýi. Saldarynan avarıaǵa qarsy avtomattandyrý iske qosylyp, Qazaqstannyń keıbir óńirlerinde birqatar tutynýshylardyń elektr qýaty óshirildi.