Qazaqstandyq eki tanymal bloger áleýmettik jelilerdegi bylapyt sózderi úshin ákimshilik jaýapkershilikke tartyldy. 25 jastaǵy Ibraım Stambekov pen 21 jastaǵy Abaı Abdyhanovty polısıa qyzmetkerleri áleýmettik jeliler arqyly anyqtap, usaq buzaqylyq úshin ákimshilik qamaýǵa aldy, dep habarlaıdy infohub.kz saıty.
Almatynyń Naýryzbaı aýdany polısıa basqarmasynyń málimetinshe, áleýmettik jelilerdi monıtorıńileý barysynda quqyq qorǵaý organdary eki jas jigittiń bylapyt sózder men qorlaıtyn sóz tirkesterin qoldanǵan beınejazbasyn tapqan. Olar buny ázil-ospaq kontenti retinde usynǵan.
«Sot sheshimimen olar kináli dep tanylyp, árqaısysy 5 táýlikke ákimshilik qamaýǵa alyndy», — dedi polısıada.
Quqyq qorǵaý organdary ınternette bylapyt sózder men qorlaýdy jarıa túrde qoldaný zańda kózdelgen jaýapkershilikke ákep soǵatynyn eske saldy. «Ázil» formaty jarıalanǵan materıaldyń mazmuny úshin jaýapkershilikten bosatpaıdy.
Buzýshylardyń biri — Instagram-daǵy ibra.tayken laqap atymen tanymal bloger, oǵan 413 myń adam jazylǵan. Ekinshisi — aaabdx akkaýntynyń ıesi, onyń 111 myń jazylýshysy bar. Jas jigitter komedıalyq kontentti birge de, jeke de túsiredi.
Buǵan deıin «Kýrsıv» Petropavldyq bloger Irına Antonenko Kaspıdegi oqý-jattyǵý kezinde qaza tapqan 14 áskerı qyzmetshige arnalǵan jalpyulttyq aza tutý kúni tikeleı efır ótkizgennen keıin 10 táýlikke ákimshilik qamaýǵa alynǵanyn jazǵan bolatyn.