17 shildede túnde Almatyda apat boldy: BMW kóligi jergilikti murajaıdyń janyndaǵy úlken art-ınstallásıaǵa soǵyldy. Jol-kólik oqıǵasy saldarynan eki adam zardap shekti, biraq olar aýrýhanaǵa jatqyzýdy qajet etpedi. Polısıa oqıǵanyń aldyn ala sebebin atady, dep habarlaıdy infohub.kz.
Almaty polısıa departamentiniń baspasóz qyzmetiniń habarlaýynsha, jol-kólik oqıǵasy 17 shildede saǵat 01:00 shamasynda qalanyń Medeý aýdanynda tirkelgen. «BMW kóliginiń júrgizýshisi Ál-Farabı dańǵylymen shyǵys baǵytta kele jatyp, Nazarbaev dańǵylyna jetpeı, basqarýdy joǵaltyp, murajaı aldyndaǵy alańǵa shyǵyp, art-ınstallásıany qaǵyp ketti», — dep qosty polısıa.
Apat saldarynan eki adamǵa medısınalyq kómek qajet boldy, alaıda olar aýrýhanaǵa jatqyzylǵan joq. Qazir polısıa qyzmetkerleri apattyń mán-jaıyn anyqtap jatyr. «Aldyn ala boljamdardyń biri boıynsha, jol-kólik oqıǵasynyń sebebi BMW júrgizýshisiniń agressıvti júris-turysy bolýy múmkin. Beınekameralar onyń qaýipti manevrlerin, qatardan qatarǵa aýysýlaryn tirkegen», — dep naqtylady Almaty PD.