Almatyda kolej túlegi dıplomyn jyrtqan vıdeo jarıalap, ákimshilik jaýapkershilikke tartyldy, dep habarlaıdy infohub.kz.
Polısıa qyzmetkerleri áleýmettik jelilerdi monıtorıńteý barysynda TikTok platformasynda qoǵamda qyzý talqylanǵan vıdeony anyqtady.
Beınejazbada Almatydaǵy jeke kolejderdiń biriniń túlegi dıplom tapsyrý rásiminen keıin dıplomnyń muqabasyna uqsas zatty kópshilik aldynda jyrtqan.
Tekserý barysynda dıplomnyń túpnusqasy, oǵan qosymsha jáne oqý orny bergen resmı muqabasy zaqymdanbaǵany anyqtaldy. Vıdeo túsirý úshin aldyn ala daıyndalǵan muqabanyń kóshirmesi paıdalanylǵan.
Osyǵan qaramastan, rolık ınternette keń taralyp, jeli qoldanýshylary arasynda ártúrli pikirler týǵyzdy. Bul fakt polısıanyń tekserý júrgizýine negiz boldy.
Tekserý qorytyndysy boıynsha vıdeo avtory Qazaqstan Respýblıkasy Ákimshilik quqyq buzýshylyq týraly kodeksiniń 456-2-babynyń 3-1-bóligi boıynsha ákimshilik jaýapkershilikke tartyldy.