Almaty turǵyndary úılerinde jaryq paıda bolǵanyn habarlaı bastady. KEGOC kompanıasy elektrmen jabdyqtaýdyń qalpyna keltirilip jatqanyn rastady, dep habarlaıdy infohub.kz saıty.
KEGOC baspasóz qyzmetiniń málimetinshe, operator Qazaqstannyń Biryńǵaı elektr energetıkalyq júıesindegi tehnologıalyq buzylystan keıin elektrmen jabdyqtaýdy qalpyna keltirýge kiristi.
«2026 jylǵy 14 tamyzda saǵat 14:37-de Qazaqstannyń Biryńǵaı elektr energetıkalyq júıesinde tehnologıalyq buzylys oryn alyp, 500 kV Aǵadyr – Úlken L-5300 jáne L-5320, sondaı-aq Aqtoǵaı – Taldyqorǵan L-5400 elektr berý jelileri ajyratyldy», – dep naqtylady vedomstvoda. Saldarynan Qazaqstan BEJ-niń Ońtústik aımaǵy jáne Ortalyq Azıanyń birikken energojúıesi oqshaýlanǵan jumys rejımine bólinip shyqty.
«Aldyn ala jedel derekter boıynsha, tehnologıalyq buzylystyń sebebi Ortalyq Azıa BEJ tarapynan qýattyń kenetten artýy boldy. Qazaqstannyń energojúıesindegi buzylys saldarynan tutynýshylardyń elektrmen jabdyqtaýyn shekteý kólemi shamamen 2810 MVt qurady. Júıelik operator dereý qalpyna keltirý sharalaryn bastady. Saǵat 14:47-ge qaraı Qaraǵandy oblysynda, Abaı jáne Ulytaý oblystarynda 295 MVt kólemindegi shekteýler alynyp tastaldy», – dep habarlady KEGOC-ta.
Qazirgi ýaqytta «KEGOC» AQ tutynýshylardyń elektrmen jabdyqtaýyn qalpyna keltirý jumystaryn jalǵastyrýda.