Almatyda 44 jastaǵy er adam elektrosamokattan qulap, qaza tapty. Bul oqıǵa túnde Varlamov kóshesinde, Tóle bı dańǵylynyń mańynda bolǵan, dep habarlaıdy infohub.kz.
Aldyn ala málimetter boıynsha, er adam basqarýdy joǵaltyp, bordúrge soǵylyp, qulaǵan. Polısıa qazirgi ýaqytta oqıǵanyń mán-jaıyn anyqtap jatyr.
Qulaý saldarynan almatylyq ómirmen syıyspaıtyn jaraqat alǵan. Oqıǵa ornyna kelgen dárigerler reanımasıalyq sharalar júrgizgenimen, er adamdy qutqarý múmkin bolmady.
Aldyn ala aqparat boıynsha, ol júrý kezinde qorǵanys dýlyǵasyn jáne basqa da jeke qorǵanys quraldaryn kımegen.
Polısıa elektrosamokat paıdalanýshylaryna qaýipsizdik sharalaryn saqtaýdy, qorǵanys dýlyǵasyn jáne basqa da qorǵanys quraldaryn qoldanýdy eskertedi.
Buǵan deıin 25 tamyzdan bastap elektrosamokattarǵa trotýarlarda júrýge tyıym salynǵany habarlanǵan. Olar velojoldarda, velosıped jolaqtarynda jáne joldyń jıeginde júre alady. Polısıa erejelerdiń saqtalýyn elektrosamokattaǵy patrúlder, beınebaqylaý kameralary jáne drondar arqyly baqylaýdy josparlap otyr.
İİM derekterine sáıkes, jyl basynan beri elektrosamokattardyń qatysýymen 139 jol-kólik oqıǵasy tirkelgen, onda eki adam qaza tapqan. Sonymen qatar, 1 shildeden bastap elektrosamokat paıdalanýshylary jol qozǵalysynyń tolyqqandy qatysýshylary boldy: jaıaý júrginshige basymdyq bermegeni úshin 2 AEK — 8 650 teńge kóleminde aıyppul qarastyrylǵan.