Almatyda Esentaı jaǵalaýynda tártip buzǵan avtokólik beınejazbaǵa túsip qaldy. Polısıa buzýshyny taýyp, jazalaıtynyn málimdedi, dep habarlaıdy NUR.KZ Almaty qalalyq Polısıa departamentine silteme jasap.
almatynews_kaz Instagram paraqshasynda Esentaı ózeniniń jaǵalaýynda kólik júrip júrgen vıdeo jarıalandy. Kadrlarda kólik keri júris kezinde fonar baǵanasyn zaqymdaǵany kórinedi. Kózben kórgenderdiń aıtýynsha, júrgizýshiniń jaı-kúıi durys emes bolyp, ol jaǵalaýda «aldynan shyqqannyń bárin qıratty».
Bul jarıalanymǵa Almaty qalalyq polısıa departamenti den qoıdy. «Atalǵan fakti boıynsha Qoǵamdyq qaýipsizdik basqarmasy tekseris júrgizýde. Jol júrisi erejesin óreskel buzǵan adam QR zańnamasyna sáıkes jaýapkershilikke tartylady», - dep málimdedi polısıa. Tolyǵyraq: infohub.kz.